Retired Major General Isagani Nerez, gitudlo isip bag-ong hepe sa PDEA

BUTUAN CITY – Gikumpirma sa palasyo sa Malakanyang nga gitudlo na ni Pangulong Ferdinand ‘Bongbong’ Marcos Jr. si retired Major General Isagani Nerez isip bag-ong hepe sa Philippine Drug Enforcement Agency kon PDEA.

Si retired Major General Isagani Nerez, kabahin sa 5-member panel niadtong tuig 2023 nga nag-review sa courtesy resignations sa gibana-banang 300 ka mga top-ranking police officials human migawas sa imbestigasyon nga pipila sa maong mga pulis ang nalambigit sa illegal drug trade.

Una nang gitudlo ni Pangulong Bongbong Marcos si Nerez nga undersecretary sa Office of the Military Affairs.