BUTUAN CITY – Nadiskubrehan sa Vienna City Library archives sa Austria ang lima ka palid nga sulat ni Jose Rizal ngadto sa usa ka Austrian journalist Johannes Nordmann niadtong June 1887 kansa duna’y mga insights sa itinerary sa atong nasundnong bayani sa Urupa, human gi-imprinta ang iyang sikat nga nobelang Noli Me Tangere.
Gipresenta ang maong sulat atol sa lecture ni Austrian cultural anthropologist Dr. Johann Stockinger, ang vice president sa Austro-Philippine Society kinsa maoy nakadiskubre sa extraordinary document niadto pang September 2023 samtang gisusi ang mga historical letters nga gipadala kang Nordmann alang sa iyang research.
Gibjutyag ni Stockinger nga ang unang sulat gikan matud pa sa nakasulat nga ‘Jose Kisz’ ug dihang iyang gitan-aw ang unang palid, wala siya’y nakitang espesyal niini apan pag-abot sa ikaduhang palid, iya nang nabasa ang mensahe nga, ‘In my novel, Noli Me Tangere…’ ug dihang iyang gitan-aw ang katapusang mga letra, nariyalisar niya nga orihinal kining gisulat ni Jose Rizal.
Sigon ni Gerhard Murauer, kinsa kabahin sa public relations team sa Vienna City Library, wala sila’y nasayran kalabot sa maong sulat hangtud nga nadiskubrehan na kini ni Stockinger nga gikalipay ni Philippine Ambassador to Austria Evangelina Lourdes Bernas.
