BUTUAN CITY – Nabitbit sa mga atleta dinhe sa Butuan sa ilang pagpamauli ang 10 ka mga medalya sa gisalmotang 2024 muaythai national championships sa Pasig City.
Gipahigayon ang maong kompetisyon niadtong Disyembre 1 ngadto sa Disyembre 7 diin ang team Butuan dunay 10 ka atleta nga gipadala.
Sigon ni Arnold Quiambao, Butuanong muaythai coach og usa sa mga referree sa maong kompetisyon, nalabnot sa mga atleta gikan sa Butuan ang 2 ka Gold, 5 ka silver og 3 ka bronze. Gipasegarbo pa niini ang upat ka atleta nga nakasulod sa finals nga ang mga kalaban miyembro na sa Philippine Team.
Gipa-ambit usab niini ang gihimong pagprotesta sa kampo ni JUnrey Gerona human napildi sa finals tungod kay sa ilang lantaw duag gayud sa puntos ang ilang atleta.
Apan napildi sila sa maong protesta og ila usab kining gidawat dayung saad nga mas pangandaman pa ang Philippine team.
Nasayran nga ang maong mga atleta nagsumikad pa sa kompetisyon sa Batang Pinoy sa Palawan diin duha ka gold og usa ka silver usab ang ilang nakuha.
Sa karun padayon pa ang ilang pagpangandam alang sa himoong Mindanao Leg og ang All womens martial arts Festival.
