BUTUAN CITY – Aminado si Vice President Sara Duterte nga dili patas ang imbestigasyon nga himuon sa National Bureau of Investigation kon NBI ngadto sa kill threat niya ngadto nila Pangulong Ferdinand Marcos Jr., First Lady Liza Araneta-Marcos ug House Speaker Martin Romualdez.
Kini matud pa ang rason nga wala siya mupatim-aw kagahapon human usab nila nasabutan sa iyang mga abogado nga duna siya’y options nga kapilian rason nga nagpadala na lang siya og sulat.
Sa iyang press conference, gipadayag sa besi presidente nga mutuga man siya o dili sa imbestigasyon sa NBI, duna na’y giluto nga mga kaso nga ipasaka batuk kaniya rason nga wala gihapo’y pulos kung iya kining tambungan. Gibutyag niini nga ang iyang panglantaw, base na usab sa pamahayag ni Pangulong Bongbong Marcos, pila ka adlaw human ang iyang kontrobersyal nga pamahayag kondiin gibutyag niining dili niya palabyon ang matud pa, ingon niini nga kriminal nga binuhatan.
Nadugangan pa kini sa pamahayag usab sa undersecretary sa Department of Justice kinsa nagbutyag nga bisan unsaon, ang hulga usa gayod ka hulga.
