BUTUAN CITY – Patay na sa edad nga 46-anyos si Mexican three-time super-bantamweight world boxing champion Israel Vazquez.
Sigon ni World Boxing Council (WBC) president Mauricio Sulaiman, namatay kini niadtong Martes tungod sa kanser.
Nangayo usab kini og pag-ampo aron mahatagan og igong kusog ug suporta ang iyang asawa nga si Laura, mga anak, pamilya ug mga higala ning panahon sa kasubo dayong pasalamat sa kampyon.
Naila si Vazquez, sa iyang makalilisang nga combination sa kapaspas og kusog diin ang iyang debut isip professional boxer, natigayon niadtong 1995.
Ang iyang kada-ugan niadtong 2007 ug 2008 maoy nahimong rason nga gipili kini nga ‘fights of the year’, apan human sa kadaugan na-diagnosed siya nga duna’y detached retina rasong wala siya makita sa ring sa kapin usa ka tuig.
Katapusan kini nga miaway sa boksing niadtong 2010 pinaagi sa record nga 44 ka daug diin 32 niini pinaagi sa knockouts samtang dunay 5 nga pildi.
