-- ADVERTISEMENT --
BUTUAN CITY – Giklaro ni political analyst Atty. James Reserva nga wala’y criminal liabilities nga atubangon si Vice President Sara Duterte dihang gipadayag niini kagabii nga duna na siya’y gi-contact nga tawo aron mupatay nila Pangulong Ferdinand ‘Bongbong’ Marcos Jr., First Lady Liza Marcos ug House Speaker Martin Romualdez.
Sigon ni Atty. Reserva, klarong gipadayag ni VP Sara nga mahitabo lang kini kung mamatay siya apan mahimo usab kining seryusuhon sa Malakanyang nga hulga gayod sa siguridad sa mga hingtungdan.
Depende na usab sa panig sa administrasyon kung ila kining seryusuhon ug maghinay-hinay na sa ilang gihimong pagpang-ipit dili lang kang VP Sara kondili sa entiro pamilya Duterte.
