BUTUAN CITY – Temporaryong gisuspende ning adlawa ang klase sa Riverside Integrated Secondary School sa Brgy. Baan Riverside ning siyudad sa Butuan human nga mi-abot sa 12 ka mga estudyante ang na-possess kagahapon tungod sa pagputol matud pa sa duha ka punuan sa kahoy duol sa tunghaan.
Apan giklaro ni school caretaker Nerissa Camangyan, nga kini dili tungod sa maong hitabo kondili tungod sa kalihukan sa maong tunghaan.
Saysay ni Camangyan, nagsugod kini ning mi-aging adlaw dihang sunod-sunod nga nawad-an og panimuot ang pipila sa mga estudyante hangtud nga kagahapon nag-react na ang usa sa unang mga nakuyapan dihang gigisi niini ang gipasuot kaniyang kolor pula nga t-shirt ug gibugto usab ang gipasuot kaniyang rosary beads.
Dinhi na sunod-sunod nga na-possess ang uban pang mga estudyante kondiin sa 12, pito ang nagpakita og grabeng simtomas sa na-possess apil na ang duha ka mga lalaki kinsa gidala na sa ilang kapilya samtang ang uban nga lahi ang relihiyon, gidala usab sa ilang simbahan.
Sigon matud pa sa dautang espiritu nga misulod sa usa sa mga estudyante, gusto matud pa niining ipabalik og tanom ang giputol nga duha ka punuan sa kahoy nga naghatag pa og oras sa pagtanom apan wala kini gipasunod sa miresponding pari
