BUTUAN CITY – Gitu-uhan sa kapulisan sa Aklan nga gipusil og una sa 48-anyos nga lalaki ang iyang 41-anyos nga live-in partner adiser siya nagpusil sa iyang kaugalingon sulod sa nakaparada nilang sakyanan sa Brgy. Panilongan, lungsod sa Buruanga.
Kini human napalgan ang duha nga duna’y mga samad-pinusilan sa dughan ug gideklarang patay na diha mismo sa dapit nga nahitabuan.
Gi-ila ni Buruanga Police Chief P/Capt. Larry John Vidal ang mga biktima nga sila Leda Candelario Cenon, ug Richan Bartolome, parehong empleyad sa local government sa Buruanga kondiin halos lima ka tuig nang nag-ipon ug duna’y usa ka 5-anyos nga anak nga lalaki.
Migawas sa imbestigasyon nga gi-drop ni Cenon ang ilang anak sa panimalay sa mga Bartolome’s family kagahapon sa sayo sa buntag ug pagbalik niya sa iyang sakyanan kaganinang alas-8:00 sa buntag, nagkalalis ang duruha rason nga gikuha ni Bartolome ang iyang armas ug gipusil si Cenon samtang naglingkod sa driver’s seat ug gisunod usab pagpusil ang iyang kaugalingon.
Migawas sa imbestigasyon nga gusto na ni Cenon nga makigbuwag apan wala misugot si Bartolome .
Gani, gitu-uha sa mga pulis nga premeditated ang maong insidente tungod kay nagsulat matud pa og dokumento si Bartolome nga nagdetalye sa pagbahin sa ilang mga kabtangan ingon man care arrangements sa ilang anak nga maoy apil sa gipanubayan.
