BUTUAN CITY – Karong adlawa gi-obserba sa Pilipinas ang national day of mourning sa Pilipinas subay sa proklamasyon ni Pangulong Ferdinand Marcos Jr. alang sa paghandom sa mga nabiktima sa bagyong Kristine, kansa nagbilin og dakong damyos sa tibuok nasud.
Kahinumdumang gipirmahan sa presidente ang Proclamation No. 728 nga gipagawas niadtong Oktubre 30 kondiin nanawagan ang presidente sa tanang mga Filipinos nga i-obserba karong adlawa sa kahilom alang sa mga nabiktima sa bagyo nga nagdala og kusog nga ulan ug hangin ingon man lapad nga pagbaha gikan niadtong Oktubre 21 ngadto nasa 25.
Ilawom sa Republic Act No. 8491, kon mas nailang Flag and Heraldic Code of the Philippines, gimando sa presidente nga ipakayab lang sa half-mast ang mga bandila diha sa tanang mga government buildings, lakip na sa mga Philippine embassies ug mga konsulada sa abroad, isip timaan sa pagbangutan.
Gi-awhag usab niini ang tanan nga mga maghalad og mga pag-ampo alang sa malahutayong pagpahiluna sa kalag sa mga biktima. Una nang gitaho sa National Disaster Risk Reduction and Management Council nga ang bagyong Kristine naka-apekto na sa kapin 7-milyunes ka mga tawo ug mikalas na og 150 ka mga tawo.
