BUTUAN CITY – Mi-atras na ang pambato sa Panama sa Miss Universe 2024 competition nga si Italy Mora, human ang subsob nga evaluation sa disciplinary commission sa organisasyon. Migawas ang mga tsika nga nakig-away matud pa si Mora sa laing kandidata ug duna usa’y tsika nga nakig-date si Mora sa iyang boyfriend dihang mi-abot siya sa Mexico alang sa kompetisyon apan gipanghimakak kini sa iyang hinigugma.
Ang disciplinary committee nga maoy gitahasan pagmintina sa integridad ug mga values sa pageant, naglusad og full audit sa maong isyu ug base sa nakuha ug subling gi-review nga impormasyon, ilang na-conclude nga ang pag-atras kon withdrawal mao ang pinakatukmang course of action ilawom sa kasamtangang sirkumstansya dungan sa pagbutyag nga gihimo ang desisyon uban sa respeto sa tanang nalambigit nga panig.
Giklaro usab sa organisasyon ang kamahinungdanon sa pagmintina sa confidentiality ug respeto atol sa proseso. Ilang gihangyo ang tanan nga respetuhon ang privacy sa Miss Panama aron malikayan ang mga espekulasyon nga posibleng maghatag og negatibong epekto sa tanang nalambigit nga partido.
Nagpadayon karon sa Mexico ang Miss Universe competition kondiin ang coronation night gitakda sa November 16 ug ang pambato sa Pilipinas sa maong pageant mao ang Bulakenya beauty queen nga si Chelsea Manalo. Ang kasamtangang Miss Universe queen mao si Sheynnis Palacios, gikan sa Nicaragua.
