BUTUAN CITY – Tungod sa crop top nga gipa-uso ni Carlos Yulo, dili lang mga lalaki kondili apil na ang mga babaye, naglumba na pagsuot niini. Okey lang kini basta wala lama’y mupugong kanim apan unsa kaha ang imong buhaton kung pana-ugon kas imong gisakyan tungod sa gisuot nimong crop top?
Nahitabo kini sa tulo ka babaye nga interesado nga magpasaka og reklamo batok sa usa ka kumpaniya sa eroplano human sila gipanaog tungod lamang sa ilang gisul-ob. Nagsugod ang insidente dihang misakay go eroplano ang managhigalang sila Tara Kehidi ug Teresa Araujo gikan sa Los Angeles, California padulong sa New Orleans, Louisiana.
Dihang misaka pa lamang ang duha, nagsul-ob pa sila og sweater, apan gihukas nila kini tungod wala pa gipa-andar ang air conditioning system sa cabin samtang wala pa naka-take off ang eroplano. Giduol na sila sa usa ka lalaki nga flight attendant ug agresibong gipasul-ob og sapot. Nadunggan kini sa usa pa ka babaye nga pasahero nga si Carla Hager nga adunay kauban nga batang lalaki. Gisuportahan niini ang managhigala tungod kay alimuot gyud usab sa maong higayon og timing usab nga naka-crop top siya og naka-sweater.
Tungod sa komosyon, gihukas usab niini ang iyang sweater tungod gusto gani niini ipakita ang iyang suporta sa managhigala bisan dili sila magkaila. Tungod niini, gipanaog silang tulo nga wala gihatagan og refund.
Ang ending, migasto ang duha og 1,000 US Dollar kon P57,000 alang sa last-minute flight padulong sa New Orleans aron lang magsaulog sa birthday ni Tara.
Hilabihan ang kalain sa ilang buot sa nahitabo tungod daw sama nga gikonsidera sila nga mga criminal tungod lamang sa ilang pagsul-ob og crop top. Base sa Contract of Carriage sa airline company, mahimo nila babagan ang customer o pasahero kung sila ang nagtiniil lang o kaha dili sakto ang sapot nga gisul-ob sama sa crop top.
