BUTUAN CITY – Nakabalik na sa Pilipinas si Pangulong Ferdinand Marcos Jr. human mitambong sa Association of Southeast Asian kon ASEAN Summit and Related Summits sa Lao People’s Democratic Republic. Mitugpa ang gisakyan niining presidential plane sa Villamor Air Base pasado alas-10:23 kagabii.
Gibutyag niining apil sa gihisgutan sa mga ASEAN leaders ang hagit nga tagsa-tagsa nilang gi-atubang apil na ang pagpangita og solusyon alang as kaluwasan sa rehiyon. Nahimamat sa pangulo ang mga business sectors sa ASEAN kinsa iyang gipang-imbitar ngamububo og puhunan sa nasud.
Dihang gipangutana siya sa rason nganong sa pinaka-unang higayon, wala niya gihimong care-taker sa gobyerno si Vice President Sara Duterte, gipadayag niining praktikal matud pa kaayo ang rason ug kini tungod sa paghawa matud pa niini sa iyang administrasyon ug daw nakalimot nga dili siya ang nagbutang sa besi-presidente sa pwesto kondili ang kapin 32-milyunes ka mga Pilipino.
Gipasalamatan usab sa pangulo ang Lao PDR nga maoy chair sa ASEAN karong tuiga tungod sa malampusong hosting sa ASEAN Summit and Related Summits. Nasayrang ang Malaysia na ang musunod nga host sa ASEAN sa 2025.
