BUTUAN CITY – Naka-file na usab sa ilang certificate of candidacy ang kadaghanan sa mga incumbent provincial officials sa Agusan del Norte pagpanguna nila Congressman Dale Corvera, Governor Angel Amante ug Vice Governor Enrico Corvera uban sa pipila nila ka mga Sangguniang Panlalawigan members.
Bisan pa man sa kabagtik na sa pulitika, gi-atbangan gihapon ang ilang line-up sa grupo nga gipangunahan sa Nasipitnon nga si Felimon Peligrino.
Sa iyang pagpamulong human nagduso sa iyang COC, gipadayag ni Governor Amante nga wala na siya’y angayang ikampanya sa mga Agusanon tungod kay sa kadugay na niya sa serbisyo-publiko, nakita matud pa sa mga Agusanons ang mga serbisyong gihatag sa iyang panggamhanan bisan na ngadto sa mga hilit nga dapit.
Anaa na matud pa sa mga Agusanons kung pilion siya pag-usab kung nagustuhan ang iyang pagserbisyo.
