BUTUAN CITY – Gi-ila sa Guinness World Record ang Kinmemai premium isip pinakamahal nga bugas sa tibuok kalibutan tungod kay ang matag-kilo niini, mapalit man sa kantidad nga 109-dolyares matag-kilo kon kapin 6-mil pisos. Gi-produce kini sa Toyo Rice Corporation sa Japan, kansa duna’y lasa human ang unom ka buwan nga pagproseso niini gamit ang proprietary rice-buffing technology nga gi-develop 17 ka tuig na ang nakalabay.
Ang Kinmemai Premium rice duna’y superior nutritional values kumpara sa conventional rice, ug daw mani ang lasa niini. Ang matag-lugas niini nga bugas, daw dyamanteng gagmay kung tan-awon tungod sa patented polishing process nga mutangtang lang sa dili makaon nga wax layer sa tipasi. Duna usab kini dili matupngan nga nutritious value, kansa unom ka pilo nga mas lipopolysaccharides kon LPS— usa ka natural immune system booster nga mutabang pagmintina sa maayong panglawas ug mubatok sa mga sakit kumpara sa conventional natong bugas.
Mu-abot usab sa 1.8 ka pilo kining mas fiber ug pito ka pilo nga mas abunda sa Vitamin B1. Dili na usab kini kinahanglang kilisan ug duna pa’y pinasahi nga aroma ug tam-is nga lasa. Kini ang mga rason nga grabe kamahal kini kung paliton.
