BUTUAN CITY – Usa ka 88-anyos nga lalaki ang gibansagang longest-serving death row inmate sa tibuok kalibutan ang na-acquit sa usa ka korte sa Japan. Nasayrang si Iwao Hakamada, nahukmang guilty niadtong tuig 1968 tungod sa pagpatay sa iyang boss, asawa niini, ug duha nila ka mga anak nga batan-on.
Bag-uhay lang gitugutan siya og retrial subay sa mga pagduda nga nagtanom ang mga imbestigador og ebidensya hinungdan sa iyang pagkakonbikto sa kasong quadruple murder. Mikuha og dakong tensyon ang maong kaso ilabina nga duna pa’y 500 ka mga tawong naglinya sa courtroom sa Shizuoka dihang gipakanaog ang hukom kaganina.
Madumdumang niadtong 2014, gibuhian si Hakamada gikan sa bilangguan ug gitugutan mga ire-trial sa usa ka Japanese court, human gipakita sa iyang mga defence lawyers nga ang DNA gikansa mga lama sa dukgo nga nakita sa iyang gisuot, wala mutukma sa iyang dugo. Nasayrang si Hakamada mao pa langang ikalima nga death row inmate nga gitugutang iretrial sa post-war history sa maong nasud.
