BUTUAN CITY – Malampusong natapos kagahapon ang 1st RDBP Asian Long Board Competition nga gisalmutan sa 80 ka mga skateboard riders dili lang sa Pilipinas kondili apil na sa mga international competitors gikan sa Japan, Taiwan, Singapore, Malaysia, Indonesia, Australia, Thailand. Gihimo gilayon kagabii ang awarding ceremony sa bayan ng Nasipit, Agusan del Norte para sa mga nangdaug sa open, master’s, Class B ug women’s categories.
Si Earl Maquirato ang nagkampyon sa Open Finals, 2nd placer usab si Warren Arnaiz, 3rd placer si Sam Sam ug 4th placer usab si Jointfrey. Samtang sa women’s category, nagkampyon si Kath Parado sa General Santos team.
Dako ang pagpasalamat ni event organizer ug event director sa Philippine Extreme Sports Joseph Falcone, sa maong kompetisyon tungod sa kalampusan niini nga wala mutala og mga injuries bisan og duna’y nangasimplang kansa gisalmutan sa 20 ka mga foreign skateboard riders gikan sa Indonesia, Malaysia, Thailand, Singapore, Japan, China, ug Australia.
Samtang dili makalimtan ni Thai competitor nga si Kiao ang kasinatian niini sa maong event tungod sa maayong talan-awon sa event venue, mahigalaong mga tawo, nindot nga panahon ug lamiang mga pagkaon.
Human sa competition proper gisunod ang deck viewing sa mismong event site sa View Deck sa Brgy. Camagong sakop sa maong lungsod.
