BUTUAN CITY – Gibalibaran ni kanhi United States President Donald Trump ang gipanawagan nga ikaduhang debate ni Vice President Kamala Harris adiser ang November 5 election, sa rasong uwahi na kaayo kini tungod kay nagsugod na ang early voting sa pipila ka mga estado.
Una nang gibutyag sa kampo ni Harris nga gidawat na niini ang imbitasyon gikan sa broadcaster CNN pagsalmot sa usa ka debate nga himuon sa Oktubre 23 kansa mao unta ang sunod sa una nilang debate niadtong Septembre 10 kansa sigon sa mga tawo, nadag-an matud pa ni Harris. Sigon sa campaign chair ni Harris nga si Jen O’Malley Dillon, angayan lang ang katawhan nga makakuha og laing higayon pagtan-aw sa ilang debate adiser sila mubotar dayong panghinaut nga ma-usab ra ang huna-huna ni Trump ug dili na mukakak sa hingpit.
Sigon ni Trump atol sa usa ka campaign rally sa battleground state sa North Carolina, gusto niyang makigdebate tungod kay usa matud pa kini ka maayong entertainment value apan ang pagsugod na og sayo nga pagbotar sa ubang mga estado may nakapa-aghat kanya nga walaon na kini nga ideya.
