BUTUAN CITY – Gipasidunggan sa Department of Health ug sa National Nutrition Council (NNC) Caraga, ang Bombo Radyo Butuan atol sa gipahigayong Regional Nutrition Awarding Ceremony kon RNAC.
Kini gitambungan sa mga local government officials sa Caraga region, uban sa mga nutrition advocates, representatives gikan sa nagkada-iyang government agencies, ug mga partner stakeholders.
Ang maong kalihukan gipangunahan ni NNC Assistant Secretary ug Executive Director Azucena Dayanghirang. Usa kini ka selebrasyon sa dedikasyon, hard work, ug sa mga remarkable achievements sulod sa rehiyon.
Gipasidunggan ang Bombo Radyo Butuan isip media partner sa National Nutrition Council-Caraga sa pagsabwag sa ilang mga programa alang sa kaayuhan sa panglawas sa katawhan sa entiro rehiyon.
