BUTUAN CITY – Gisugdan na karong adlawa Sabado hangtud ugma Dominggo, ang 1st RDBP (Roscoe Democrito Borja Plaza) Asian Nasipit Longboard Competition kansa highlight sa usa ka semanang selebrasyon sa kapistahan sa patron saint sa Nasipit, Agusan del Norte nga si Senior San Miguel.
Gibana-banang mu-abot sa 80 ka mga skateboarders dili lang dinhi sa nasud kondili api lna sa pito ka mga nasud sa Asya ang musalmot niini ug usa na ang Australianong si Zen Stretluge nga ikalima na niyang balik dinhi sa Pilipinas isip partisipante sa long boarding competition.
Sigon ni Zen, malipayon siyang nakabalik na usab sa Pilpinas, ilabina nga nakita niining high standard ang tanan, gikan sa mga lokal nga racers ngadto na sa mga venue, kansa nagkinahanglan usab sa seguridad ilabi na nga pisikalan gayud ang ilang duwa. Gibutyag niini nga sa tanan niyang na-apilan nga mga downhill racing, usa ang Pilipinas sa nakita niining dunay pinakadako nga kumonidad sa nahisgutang paugnat sa kusog. Sumala niini nga nalipay usab siyang makita ang mga Pilipino nga maabi-abihon kanilang mga langyaw.
Una nang gibutyag ni Carmen Docdocil, ang Municipal Tourism Officer sa maong lungsod, kini ang pinaka-unang kompetisyon dinhi sa Mindanao kondiin ang mga entrante, naggikan sa nagkada-iyang nasud sa Asya. ilang nahuna-hunaan ang paglusad sa maong extreme sport isip kabahin usab sa promosyon sa ilang tourism industry aron mapakita sa tanan nga dili lang abunda ang ilang lungsod og nindot nga mga beach resorts kodili apil na ang mga bukirang bahin nga andam mu-cater sa ingon niini nga pa-ugnat sa kusog.
