BUTUAN CITY – Wala namao ang pagtuon sa National Economic and Development Authority kon NEDA sa natad sa food poor ilabina dihang gipadayag ni NEDA Secretary Arsenio Balisacan atol sa Senate bugdet hearing nga dili matud pa makonsiderang food poor, ang mga pamilyang duna’y lima ka membro og makagasto og 9-mil pisos sa ilang binulan nga pagkaon. Kini bugti sa tag-64 pisos nga budget sa tulo ka kan-anan sa matag-membro sa pamilya kon tag-231 pisos kada-usa ka membro, sulod sa usa ka ka-anan.
Sigon ni transport leader Wilfredo Ybañez Jr., nakurat siya sa maong detalye tungod kay dili matud pa niya makita ang rationale niini ug kung gi-unsa kini pagkwenta sa taga-NEDA taliwa sa kamahal na kaayo karon sa mga palaliton. Gikasubo niya kini og maayo tungod kay daw wala tun-i sa taga-NEDA ang gipagawas nilang datus.
Gani sa mga ordinaryong tawo, dili ma-igo ang 21-pisos nga budget sa kaon kada-usa ka kan-anan tungod kay mahal na ang sud-an apil na ang kan-on ug anaa pa’y tubig nga paliton na. Kini ilabina kung hago ang lawas sa usa ka tawo nga kanunay magpasingot.
Tungod niini, gisugyot ni Ybañez sa taga-NEDA nga sila mismo ang mu-adto sa mga lugar nga angayan nilang kuhaan og datus aron mahimong factual ang ilang ipresentang mga datus ug siguradong dili sila ma-ulawan sa mga yanong tawo.
