BUTUAN CITY – Gi-atangan nasa daghang mga basketball fans ang away unya tali sa defending champion Team USA ug Team Brazil sa quarterfinals sa men’s 5X5 basketball subay sa nagpadayong Paris Olympics.
Mag-agbat sila alang sa knockout game unyang alas-3:30 sa kaadlawon, Miyerkules, oras sa Pilipinas.
Nasayrang gikuptan sa team USA ang limpyong record sa group stage human giparot ang tanang team nga ilang naka-agbat.
Gipangunahan kini sa mga batikang superstar sa NBA sama nila LeBron James, Steph Curry, Anthony Davis ug Kevin Durant nga 3-time gold medalist.
Ang maong koponan, gi-ilang pinakamayong team nga namugna sa USA Basketball sukad sa dream team ni NBA champion Michael Jordan.
Sa panig usab sa Brazil, pangunahan kini sa mga maayong shooters sama nila Leo Meindl, Raul Neto, ug NBA player Gui Santos.
Gawas sa USA vs Brazil, unang mag-agbat unyang alas-dose sa tungang gabii ang France ug ang Canada.
