BUTUAN CITY – Nahimong init nga hisgutanan karon sa mga media entities ning siyudad sa Butuan ang wala pagpa-atubang sa mga media men ngadto sa mibisitang si Philippine National Police Chief Director General Rommel Francisco Marbil sa Police Regional Office kon PRO-13 kagahapon.
Kini tungod kay ning mi-aging semana adiser ang iyang pagbisita, gipatawag pa sa PRO-13 ang mga media men aron maplastar ang tanan alang sa iyang pagbisita rason nga natay-og ang mga tigbalita nga gihimong daw ‘exclusive’ na hinuon ang pagbisita sa PNP Chief.
Apil sa gitu-uhang hinungdan niini ang posibleng mabato nga mga pangutana ngadto kaniya kalabot sa open letter ni Vice President Sara Duterte sa gihimo niining pagkuha sa 75 ka mga police escorts nga gikwestyon sa besi presidente uban sa mga palakbit nga kalapasan sa balaud nga iyang nahimo.
Bisan pa man, pabiling bukas ang Bombo Radyo Butuan pagpaminaw sa himuong pagpasabot sa PRO-13 kalabot sa nabali nga dagan unta sa angayang mahitabo.
