BUTUAN CITY – Laumang mutambong sa himuong pagdungog sa usa ka korte sa Australia ang usa ka amahan nga gi-alegahan sa mga pulis nga misunog sa ilang pinuy-anan diin anaa ang iyang pamilya dayong babag sa gihimong rescue attempts.
Natigayon kini pasado ala-una sa kaadlawon niadtong Dominggo sa Western Sydney base na sa pag-asuy sa mga pulis, mga nakasaksi ug sa mga emergency services.
Mitabang matud pa ang ilang mga silingan ug ang mga first responders pagluwas sa upat ka mga bata ug sa ilang inahan kondiin ang mga batang lalaki nga nag-edad og 2 ug 6-anyos, kritikal nga nakagawas sa balay apan namatay ra gihapon sa ospital samtang napalgan nang patay ang usa ka batang babaye nga lima ka buwan pa lang.
Ang nakalingkawas nga inahan uban sa laing upat niya ka mga anak, anaa na sa luwas nga kondisyon sigon sa kapulisan.
