-- ADVERTISEMENT --
BUTUAN CITY – Gitudlo ni Pope Francis si Bishop Ryan Jimenez nga manguna sa Metropolitan Archdiocese of Agaña sa Guam isip hulip sa nabakanteng lingkuranan ni Archbishop Michael Byrnes kinsa mikanaog ning mi-aging tuig, tungod sa problema sa iyang panglawas.
Nabutang siya sa maong posisyon human natangtang si Archbishop Anthony Apuron tungod sa pagpangabusong sekswal sa kabataan niadtong tuig 2019.
Si Jimenez mao ang nagdumala sa Diocese of Chalan Kanoa sa Northern Mariana Islands sukad pa niadtong Hunyo 2016.
Siya ang kasamtangang pangulo sa Episcopal Conference of the Pacific (CEPAC) ug vice president sa Federation of Catholic Bishops Conferences of Oceania nga gilangkuban sa Australia, New Zealand, Papua New Guinea ug Solomon Islands.
