BUTUAN CITY – Unom ang patay sa duguong engkwentro tali sa mga operatiba sa Philppine National Police kon PNP ug armadong grupo sa Purok 7, Barangay New Panay, Aleosan North Cotabato kagahapon sa alas-otso sa buntag.
Sigon ni Aleosan Chief of Police Major Jennifer Amotan, mag-serve unta og arrest warrant ang PNP Operatives sa target person nga ginganlan og Macabuat Salik alias Kwat ug Iskoh tungod sa paglapas sa Republic Act 10591 ug 9165 ay kalabutan sa illegal possession of firearms ug illegal drugs.
Dihang padulong pa sa maong lugar ang mga operatiba, gipabuthan na sila sa mga armado nga miresulta sa engkwentro kansa milungtad og 30-minutos.
Miresulta kini sa pagkamatay sa target person uban sa lain niyang upat ka mga ka-ubanang nalambigit sa pinusilay.
Samtang usa usab ka membro sa PNP-Special Action Force ang namatay nga nailang si Police Corporal Jed Michael Gregorio, 33-anyos samtang ang mga ka-ubanan niining angol, nailang sila PCapt Marc Bryant Tamid-ay, PCapt KirkJohn Kollin, PSMS Alcher Dacula, PCpl Mark Joseph Galanta, PCpl Emonrick Sornillo Gadat, ug Pat John Steven Luyun.
Nakuha sa operasyon ang usa ka dakong sachet sa gidudahang shabu.
