BUTUAN CITY – Mi-atubang sa pagdungog sa Senate Committee on Foreign Relations ang seaman sa Philippine Navy nga naputlan og tudlo atol sa engkwentro tali sa resupply mission para sa BRP Sierra Madre ug Chinese Coast Guard sa Ayungin Shoal niadtong Hulyo 17.
Gisaysay ni Seaman First Class Jeffrey Facundo, membro sa Naval Special Operations Unit, parte siya sa upat ka barko nga mibiya sa mainland Palawan niadtong nahitabo ang insidente ug miabot sa shoal bandang alas 6:00 sa buntag og dinhe na sila gibanggaan sa mga sakyanan sa China nga miabot sa walo lakip na ang usa ka aluminum RHIB sa China Coast Guard.
Sumala ni Facundo, gising-gitan sila sa mga Intsik samtang gibanggaan bitbit ang mga hatsa ug tubo nga dunay hait sa tumoy diin giputol ang pisi sa BRP Sierra Madre.
Naputol matud pa ang iyang tudlo sa dihang naipit kini sa Chinese boat nga mibanga kanila. Gituyo matud pa sa China Coastguard ang pagbangga ug pagbuslot sa ilang rigid hull inflatable boat aron pug-ngan sila sa rotation at resupply mission sa BRP Sierra Madre.
Samtang gilimod usab ni Admiral Ronie Gavan, commandant sa Philippine Coastguard nga nagpasagad sila sa ilang katungdanan may kalabutan sa nahitabo sa Ayungin Shoal.
Mas nag-amping lang matud pa sila tungod sa ka-init sa insidente.
