BUTUAN CITY – Napasakaan na og kasong murder ug frustrated murder ang usa ka lalaki didto sa Sta. Josefa, Agusan del Sur human niini gitigbas-patay ang ka-ipon sa iyang igsoon ning mi-aging hapon sa Purok 4, Brgy. Poblacion ug na-angin pa ang misulay pag-apartar kanila.
Patay nang nahidangat sa ospital sa lungsod sa lungsod sa Bunawan, ang biktimang si Joel Morales, hingkod ang edad ug ka-ipon sa igsoon sa suspetsadong si Arnel Durado, parehong residente sa maong lugar.
Sa pakighinabi sa Bombo Radyo Butuan, gibutyag ni Police Staff Sgt. Layla Eribal sa Sta. Josefa Municipal Police Station, daan na matud pang duna’y personal nga bangi ang duha.
Na-trigger kini dihang nakit-an sa suspetsado nga gisumbag sa biktima ang iyang amahan nga si Danilo Durado rason nga mikuha gilayon kini sa iyang sundang ug gipanigbas ang biktima nga midamay pa kang Rodel Harungay kinsa mi-apartar lang kanila niadtong higayuna.
Apil matud pa sa gikasuhan og frustrated murder ang amahan ni Arnel kinsa padayon pang gipangita dihang misibat human sa insidente ug gitu-uhang anaa ra sa ilang area of responsibility.
Giplastar una ang haya sa biktima adiser matud pa suknaon sa ilang pwersa ang posibleng sunod nga lakang nga himuon sa mga hingtungdan sa maoong hitabo.
