BUTUAN CITY – Dili mu-ubos sa 150 ka mga tawo ang gikabalak-ang patay human gipang-masaker sa usa ka village sa central Sudan nga gitu-uhang binuhatan sa Rapid Support Forces (RSF), ang paramilitary group nga nakigbatuk sa kasundaluhan.
Ilang gi-awayan ang pagkontrola sa nasangpit nga nasud sulod na sa 13 ka mga buwan.
Wala pa mapagawas og pamahayag kalabot niini ang RSF apan ilang gipanghinambog kagahapon ang pag-atake sa duha ka mga army positions.
Mikaylap karon sa social media ang gilusad nga raid kondiin ubay-ubay nga mga patay’ng lawas ang gipangputos og kolor puti nga panapton aron ipanglubong sa Wad al-Nourah in Gezira state.
Kuha ang maong video sa mga activists gikan sa silingang resistance committee, kabahin sa usa ka network sa mga local groups sa maong nasud nga nagpaluyo aron mabalik ang civilian rule.
Sigon sa Madani Resistance Committee, ila na lang gihulatan ang pagkumpirma sa kinatbuk-ang gipatay ug na-angol sa hitabo.
