BUTUAN CITY – Gi-serve na sa nakalabay nga adlawa ang kamanduan sa Governor’s Office sa Agusan Del Norte nga ipahunong ang ilegal nga pagmina sa lungsod sa Santiago.
Sigon ni Hernan Ramires, ang Community Environment and Natural Resurces Oficer kon CENRO-Tubay, ang maong kamanduan bunga sa ilang imbestigasyon kauban ang local government unit sa Santiago, indigenous people konIPs, kapulisan og probinsiyal nga kagamhanan.
Nakita ang damyos nga hatud sa operasyon nga walay permit kansa delikado ilabina kay dug-ol na kaayu ang mga tunnel nga posibleng mosangpot sa landslide ugaling dunay kusog nga pag-ulan.
Nasayrang daghan gihapon ang mihimo sa ilegal nga pagmina tungod sa kapobrehon nga klarong duna’y mga financiers. Apan sa dihang gi-serve sa composite team ang maong kamanduan, wala na sila’y naabtan sa maong mga lugar diin daw nakahibalo ang mga minero sa operasyon rason nga wala silay nakumpiska ug nadakpan .
Samtang gibutyag ni Police Captain Honorio Campos, tigpamaba sa Agusan Del Norte Police Provincial Office nga nagpadayon usab ang ilang imbestigasyon aron makakuha og ebidensiya ug matumbok ang mga nag-finance sa maong ilegal nga pagmina sa lugar nga mao’y kasuhan.
