BUTUAN CITY – Hugtanong gipaluyohan sa mga dagkong negosyante sa America si kanhi United States President Donald Trump human kini nakonbikto sa makasaysayanong pagtaral niini sa New York Court.
Nahukmang guilty si Trump sa pag-falsify sa mga dokumento niini aron matago ang hush money nga gihatag niini ngadto sa adult film actress nga si Stormy Daniels.
Sa kasamtangan, gi-anunsyo na sa Israeli-American casino Billionaire nga si Miriam Adelson nga mobundak siya og milyones dolyares nga pundo alang sa kampanya ni Trump karong umalabot nga November 2024 Presidential Election.
Sumala pa, itugyan sa maong negosyante ang kapin kon kulang 90 milyones dolyares nga kwarta isip suporta kang Trump ngadto sa political action committee nga Persevere America.
Pipila sa mga dayag nga ningsuporta kang Trump sila si Silicon Valley Investor David Sacks, Chamath Palihapitiya ug Bill Ackman.
