670 ka mga tawo patay sa mudslides sa Papua New Guinea

BUTUAN CITY -Kapin sa 670 ka mga tawo ang gitu-uhang patay human ang pagdahili sa yuta sa usa ka baryo sa Papua New Guinea.

Sumala ni United Nations Migration Agency officer Serhan Aktoprak, gibana-banang mu-abot sa kapin 150 ka mga balay ang nalubong tungod sa maong katalagman diin hangtod karon delikado gihapon ang sitwasyon tungod sa padayong landslides.

Kapin sa 1,000 ka mga tawo usab ang missing hangtod karon dungan sa pagkadamyos sa mga tamnanan sa mga pagkaon ug mga suplay sa tubig.

Migamit na ang mga tawo ug digging stick, pala ingon man mga dagkong agricultural fork aron makuha ang mga patay nga lawas nga nalubong ilawom sa yuta.