BUTUAN CITY – Padayon ang pahnigkamot sa emergency services nga maka-abot sa mga villages nga na-igo sa sunod-sunod nga landslides sa Enga province sa Papua New Guinea kondiin gikabalak-ang gatusan ang namatay.
Duna’y usa ka rapid response team nga gilangkuban sa mga medics ug military personnel ang naka-abot sa hilit nga landslide site, base na sa pagkumpirma humanitarian agency nga Care Australia.
Sigon ni United Nations official Serhan Aktoprak, ang lisod nga terrain ug nangadamyos nga mga kalsada maoy nakapalisod og maayo sa ilang biyahe ilabina nga duna’y portion sa mga bukid ang padayong midahili rason nga maglisod sila pag-operate.
Gatusang mga balay matud pa ang natabunan sa midahili nga mga lapok sa kabungturan ug kabukiran sa Enga.
Sigon sa mga nakasaksing residente, bagang kalapakan nga duna’y baga usab nga kakahuyan ang mitabon sa usa ka parte sa ilang komunidad hinungdan nga isolated kini karon.
Kini usab ang rason nga nababagan ang highway rason nga wala’y kalangdingan ang mga helicopters.
