BUTUAN CITY – Ang pambato sa Quezon Province nga si Ma. Ahtisa Manalo maoy Most Awarded candidate atol sa Miss Philippine Universe 2024 Preliminary Competition nga gipahigayon sa usa ka hotel sa Metro Manila nga gisalmutan sa 53 ka mga kandidata gikan sa nagkada-iyang lugar sa nasud.
Kini human niya nakuha ang pipila ka mga awards sama sa Miss Smilee Apparel, Miss Fairy Skin, Miss ICOLOR, Miss Danielitos Home Kitchen, Miss Queen of Hearts Sleepwear Collection, Miss Aqua Boracay, Miss Hello Glow ug apil siya sa Top3 winner sa Zonrox Casting Reel.
Ang mudaog atol sa grand coronation night karong Mayo 22 nga himuon sa Mall of Asia kon MOA Arena mao ang muhulip kang Miss Universe Philippine 2023 Michelle Dee ug maoy murepresenta sa nasud alang sa Miss Universe 2024 pageant nga himuon sa Mexico.
