BUTUAN CITY -Ang pagbaton matud pa og laing source kon tuburan sa tubig maoy bugtong solusyon nga masulbad na ang nagkagrabe karong krisis sa tubig dinhi sa dakbayan sa Butuan human nga ang main source niini nga mao ang Taguibo River, gamay na lang ang tubig tungod sa grabeng ka-init sa panahon nga hatud sa El Niño phenomenon.
Sa eksklusibong pakighinabi sa Bombo Radyo Butuan, gibutyag ni kanhi Butuan City Councilor Engr. Sergio ‘Serge’ Pascual nga kaniadto pa, ang problema sa kakulang sa water supply ning siyudad, iya nang nalantaw tungod sa kawala matud pa’y legal nga lakang nga gihimo ang mi-aging mga administrasyon.
Gibalik-lantaw pa ni Pascual ang wala amtud pa pagpatawag sa city council sa iyang panahon og public hearing alang niini nga problema ilabina dihang gimugna ang bulk water supplier niini nga mao ang TASC kon Taguibo Aquatech Solutions Inc.
Hugot nga gisugyot karon ni Engr. Pascual nga kinahanglang mangita ang lokal nga kagamhanan og laing tuburan sa water supply ug dili na hulaton pa ang panahon nga kung maguba ang tulay Magsaysay.
Kung kini mahitabo, maputol usab ang supply sa tubig sa maong parte sa siyudad nga maka-apekto sa libuang mga konsumidor.
