BUTUAN CITY – Ningkabat na sa tulo ka mga Pilipino kon Overseas Filipino Workers ang namatay tungod sa pagbaha sa Dubai, kini ang gikumperma ni Department of Migrant Workers officer-in-charge Hans Leo Cacdac.
Sumala sa tweet sa maong sa maong opisyal karong gabie nga duha sa mga niini kay namatay tungod sa suffocation sulod sa ilahang sakyanan atul sa maong baha, usa uasb ang namatay tungod sa vehicular accident.
Matod ni Cacdac nga duna nay 648,929 ka mga Pilipino ang anaa sa Dubai, apan walay mihangyo nga mopauli taliwala paman sa baha.
Kahinumduman nga anaa na sa 20 ka mga tawo ang patay tungod sa kalit nga pagbaha sa Gulf States kansa nakabalda usab sa mga flights sa Dubai Airport.Dugang niini libuan ka mga tawo karon sa Dubai, United Arab Emirates ang stranded gihapon sa kadalanan ingon man sa mga metro rail stations ug airport human nabalda ang operasyon niini tungod sa grabe nga pagbaha.
Alayon niini, gipaniguro usab ni Cacdac nga mohatag og suporta ang ilahang ahensya ngadto sa mga pamilya sa mga OFW’s ilabi na niadtung mga namatyan.
Sa kasamtangan, wala pa panganli ang mga namatay nga mga OFW’s sa nasangpit nga nasod, diin gilangkuban sa duha ka mga babaye ug usa ka lalaki.
