BUTUAN CITY – Gisa-ulog nila Heart Evangelista ug Senador Chiz Escudero ang Valentine’s Day ug ang ilang ika-siyam nga anibersaryo isip magti-ayon pinaagi sa pag- renew sa ilang wedding vows didto sa Balesin Island, kansa mao usab ang ilang wedding venue niadtong tuig 2015.
Present sa ilang special day kansa mao usab ang adlaw’ng natawhan sa fashion icon ang mga familiar faces gikan sa beauty ug fashion industry aron saksihan ang ilang special day.
Anaa usab ang inahan ni Heart nga si Cecilie Ongpauco kinsa wala mitambong sa una nilang kasal niadtong 2015 tungod sa pagsupak nila kaniadto sa senador.
Sa usa ka 2021 vlog, gipadayag na ni Cecilia nga suportado na niya ang ilang gugma, dungan sa pagbutyag nga ang ganahan niya sa kamnyuon sa duruha dihang iyang nakita nga nag-mature na ang yang anak.
Anaa usab ang igsoon ni Heart nga si Cam Ongpauco .
