BUTUAN CITY – Gibalhin una sa modular class ang klase sa Junior High school sa Agusan National High School samtang gigamit pa ang 25 nila ka mga classrooms sa mga nanghikling nga residente sa Barangay Golden Ribbon ning syudad sa Butuan.
Sumala pa ni Agusan National High School Principal Elmer Cataluña, mamahimo na matud pang mabalik sa normal ang klase sa mga apektadong magtutungha karong lunes, karong nagsugod na og init ug mamahimo na usab nga makabalik sa ilang tagsa-tagsa ka mga panimalay ang mga nanghikling tungod sa mga pagbaha hatud sa pila ka adlaw nga mga pag-ulan.
Wala pa masayod ang kadagkuan sa Department of Education-Butuan City Division kung kanus-a mahuman ang paggamit sa mga residente sa ilang tunghaan isip evacuation centers matag dunay kalamidad.
