BUTUAN CITY – Ubay-ubay na nga kabalayan sa Grindavik, Iceland ang gilamoy sa kalayo human ang duha ka higayong pagkaliki sa ba-ba sa bulkan sa Reykjanes peninsula dihang mibuto kini kagahapon resulta sa pag-awas sa lava ngadto sa maong fishing town.
Ang pagbuto pruweba lang sa “worst case scenario” ug wala’y angayang kabalak-an tungod kay gihikling namanang tanang mga tawo sa maong lugar. Temporaryong nabara ang lava sa gitukod nga mga defences human ang unang pagbusikad sa bulkan niadtong Disyembre apan duna gihapoy nakalusot ug dili na maagi-an ang main road sa lungsod tungod sa pagdagayday sa lava.
Sa iyang pagpamulong atol sa live broadcast kaganina, gi-awhag ni Iceland’s President Gudni Johannesson ang katawhan nga maghi-usa ug musimpatiya niadtong nawad-an og pinuy-anan.
Bisan og mala-umon siya nga mukalma na ang sitwasyon apan aminado gihapon kini nga duna pa’y posibleng laing mahitabo.
