BUTUAN CITY-
Hustisya ang syagit sa pamilya ni Rezalyn C. Salahay, usa ka 4th year student sa Bachelor of Elementary Education sa Caraga State University human kini brutal nga gi tigbas sa mismong balkonahe sa ilahang panimalay sa lungosod sa Sibagat, Agusan del Sur.
Sumala sa inisyal nga imbistigasyon nga gikan matud pa ang biktima sa gawas sa ilahang balay bandang alas 4 ang takna sa hapon kagahapong adlawa arun mag peso-wifi, apan gisundan matud pa kini sa suspetsado, ug pag-abot niini sa ilahang balkon, dinhi na kini brutal nga gi tigbas, hinungdan sa hinanali niining kamatayon.
Alyon niini, dali nga nasikop ang naghimo sa maong krimen, apan sa kasamtangan, padayon pang gi suta ang motibo sa maong suspetsado sa nasangpit nga pagpatay.
Gilauman sa pamilya nga mogradwar untana ang biktima sa nasangpit nga tunghaan isip Cum Laude.
