BUTUAN CITY – Sangko sa langit ang kalipay ni Flordeliza Yatar sa Purok 20, Brgy. Baan Km. 3 ning siyudad sa Butuan human nga hingpit na niyang na-claim ang nadag-ang sien-mil pisos nga special prize sa Silver Swan alang sa pulo sa Mindanao sa grand draw sa Buena Mano Salvo year 17 promo.
Gamiton niya ang ganti paglukat sa naprenda nilang kabaw ingon man pangbayad sa na-utang nila alang sa kasal sa iyang anak. Suportahan usab niya ang plano sa iyang bana nga magnegosyo og litsong baboy.
Mapasalamaton usab siya sa Kahitas-an, sa Bombo Radyo Philippines ug sa mga sponsors sa paglusad sa maong promo nga maoy hinungdan nga nasulbad ang iyang mga gihambing problema.
Gi-awhag usab niini ang tanan nga mu-apil sa mga promo sa Bombo Radyo aron mudaog sama kaniya.
