BUTUAN CITY – Gikalipay sa kadumalahan sa Agusan del Norte Electric Cooperative Inc kon ANECO ang pagka-operational na aron sa 24.9 megawatt nga Lake Mainit Hydroelectric Power Plant sa may lungsod sa Jabonga.
Sa eksklusibong pakighinabi sa Bombo Radyo Butuan, gibutyag ni ANECO General Manager Engr. Darwin Daymiel nga dakong tabang kini kanila alang sa pag-supply og kuryente ngadto sa mga Agusanons bisan og dili sa tanang panahon kini siento-porsientong magamit tungod kay renewable man.
Gipasabot sa opisyal nga kini tungod kay mag-agad man kini sa panahon ug sa tuburan sa tubig kondiin ubos-ubos ang water level sa Lake Mainit.
Base matud pa sa forecast, sulod sa usa ka tuig, maka-produce ang maong power plant og 51-porsiento sa 8,760-power capacity niini.
