BUTUAN CITY – Nag-viral sa social media ang post ni Juan Carlos Oriano, 23-anyos gikan sa Tondo, Manila human niini gisuot sa ilang graduation party ang delivery rider uniform sa iyang amahan.
Nasayrang nakatapos si Juan sa kursong Bachelor of Science in Marine Transportation sa Maritime Academy of the Asia and the Pacific sa Mariveles, Bataan kondiin gihatagan pa siya og Exemplary Award sa ilang graduation ceremony niadtong Mayo 26 ug human sa graduation gihimo gilayon ang ilang Last Mess, usa ka traditional nga gradution party sa mga migradwar gikan sa maong academy kondiin duna’y kagawasan ang mga kadete nga mamili sa suoton nilang costume.
Gikan sa una niyang nahuna-hunaan nga magsuot og Barong Tagalog tungod kay damgo usab niya nga mahimong pulitiko apan na-usab kini dihang iyang nakita ang iyang amahan nga gikapoy dihang mipa-uli na kini gikan nag-deliver rason nga nakadesisyon siyang ang uniporme na lang niini ang iyang suuton isip tribute usab sa iyang amahan.
Tungod niini, standout ang green shirt ni Juan sa graduation event kondiin gikataw-an pa siya ug gipangitaan sa order sa iyang mga classmates.
Aminado siyang pinasahi ang iyang attire niadtong higayuna tungod kay naka-delivery rider siya.
Dihang iya kining gi-post bag-uhay lang, nakurat siya sa kadaghan sa mga nag-react ug nag-comment niini rason nga proud kaayo siya sa iyang gihimo.
