BUTUAN CITY – Dako ang pagpasalamat sa mga local farmers ning siyudad sa Butuan human nga hingpit nang nahimong balaud ang New Agrarian Emancipation Act human kini gipirmahan ni Pangulong Ferdinand ‘Bongbong’ Marcos Jr.
Sa eksklusibong pakighinabi sa Bombo Radyo Butuan, gibutyag ni Junie Deliña, presidente sa United Farmers’ Association ning siyudad sa Butuan, nga dakong tabang kini kanilang mga mg-uuma ilabina kadtong benepisyaryo sa Comprehensive Agrarian Reform Program sa kagamhanan.
Apan bisan pa man niini, dako pa gihapon og kulang ang nasudnong kagamhanan sa pagtabang kanila ilabina sa hisgutanang pinansyal tungod kay human og dawat sa land title, naprenda ug nabaligya na kini sa kadaghanan tungod sa kawala’y kwarta nga ipuhunan sa pagpanguma. Ulahi na matud pa ang maong balaud tungod kay dugay na mang wala na sa kamot sa mga benepisyaryo ang ilang land title.
Nanghinaut na lamang si Deliña nga ipadayon gihapon sa administrasyong Marcos ang pagpang-apod apod sa mga yuta uban sa susamang programa kaniadto ilalom sa land distribution program sa panahon pa ni kanhi Pangulong Rodrigo Duterte kansa kulang na lang matud pa saktong implementasyon aron masiguro nga ang mga tinuod nga nag-ugmad sa yuta ang makadawat niini ug dili ang mga agalong yutaan
