BUTUAN CITY – Padayon pa ang lawom nga imbestigasyon sa kapulisan sa Surigao City aron masuta ang ugat-hinungdan sa dungan nga pagkutlo sa kinabuhi sa suod nga managhigalang dalaginding human napalgan nga nagbitay na sa punuan sa mangga kaganinang alas-5:00 sa sayong buntag sa Ceniza High Subdivision, Barangay Cagniog sa maong siyudad.
Tumang kasubo ang gibati sa mga ginikanan sa 15 ug 16-anyos nga mga biktimang nagtungha sa Surigao Del Norte National High School nga nagdungan og ambak ilalom sa puno-an sa mangga didto sa dakbayan sa Surigao.
Migawas sa inisyal nga imbestigasyon nga kagabii pa lang, namatikda matud pang nagplano na og dautan sa iyang kinabuhi ang usa sa duha ka mga biktima rason nga gi-uban ubanan kini sa iyang best friend tungod sa depression kondiin nakita pa silang nag-standby sa may Boulevard area.
Pasado alas-tres sa kadlawon dihang namatikdan na lang sa ginikanan nga wala na sa ilang pinuy-anan ang maong dalaga rason nga ila na kining gipangita ug adiser pa nakit-an paglabay sa duha ka oras nga pareho nang wala’y kinabuhi.
