BUTUAN CITY – Karong kapin usa ka semana na lang adiser ang pagsa-ulog sa ika-31 nga Naliyagan Festival, subsob na ang ground preparation sa probinsyal nga panggamhanan sa Agusan del Sur alang niini.
Sa eksklusibong pakighinabi sa Bombo Radyo Butuan, gipadayag ni provincial tourism officer Dannah Rufalyn Buquir, nga ning mi-aging semana pa, ila nang gipagawas ang official calendar of activities sa nasangpit nga festival subay na usab sa ika-56 nga kamugnaan sa maong lalawigan uban sa kaluha niining probinsya, ang Agusan del Norte.
Usa matud pa ka comeback celebration ang karon nga edisyon sa Naliyagan Festival human kini naputol sa nakalabay nga mga tuig tungod sa COVID-19 pandemic.
Tungod niini, balik na usab ang mga na-andang dagkong kalihukan sama sa street dancing competition; inter-local government unit agri-booth competition; apil na ang Bai Naligayan 2023.
Mahimong highlight usab sa Naliyagan Festival ang ‘Binaga to Naligayan’ kon pagsugba og isdang haw-an. Sa Hunyo 17, pasidunggan usab ang tanang AgSurnons nga naghatag og dungog sa ilang lalawigan sa bisan unsa nga natad kondiin hatagan usab sila og cash incentives.
Samtang wala na gisulod a calendar of events sa usa ka semanang kasa-ulugan ang State of the Province kon SOPA ni Governor Santiago ‘Santi’ Cane tungod kay gitakda kini sa sunod na nga bulan sa July.
