BUTUAN CITY – Giduso na ngadto sa prosecutor’s office sa Agusan del Norte pinaagi sa inquest proceedings ang mga reklamong illegal possession of firearms, ingon man paghupot ug pagpayuhot og ginadiling druga batuk sa usa ka kanhi sundalo human ang malampusong pag-serve sa search warrant ning mi-aging alas-8:52 sa gabii.
Naila ang subject sa search warrant nga si Gary Magpale Daluz, 35-anyos, duna’y kapuyo, residente sa Purok 5, Brgy. Caasinan, Cabadbaran City ug kanhi membro sa 28th Infantry Battalion, Philippine Army.
Sa eksklusibong pakighinabi sa Bombo Radyo Butuan, gipadayag ni Agusan del Norte provincial police spokesperson Lt. Honorio Campos nga nakuha sa posisyon sa suspetsado ang usa ka 22-caliber revolver, 12 ka mga buhing bala ug 10 ka sachets sa gidudahang shabu nga nagkantidad og 54,400-pisos ingon man mga drug paraphernalia.
Gibutyag sa opisyal nga gi-classify isip high value target ang suspetsado rason nga taud-taud ang gihimong surveillance adiser gi-serve ng search warrant.
