BUTUAN CITY – Gipanghimakak sa provincial director sa Surigao del Sur Provincial Police Office nga nag-isyu siya og memorandum nga nagmando sa police station sa lungsod sa Lianga nga i-profile ang public lawyer nga mihatag og legal assistance ngadto sa gi-alegahang mga rebeldeng New People’s Army kon NPA.
Hugot nga gipanghimakak ni PCol. Dennis Siruno nga naggikan kaniya ang maong memorandum ngaduna pa’y nakatatak nga confidential dayong butyag nga peke kini tungod kay gisundog lang ang iyang pirma.
Gipaneguro na lang ni Siruno nga personal siyang muhimo og imbestigasyon aron ma-ilhan ang mga nalambigit sa pekeng memo.
Nasayran nga ang maong memo gi-isyu niadtong Marso 29 kansa nagmando sa hepe sa Lianga Municipal Police Station nga i-profile si Public Attorney’s Office kon PAO lawyer Carol Anne General kinsa mihatag og legal assistance sa mga rebelding New People’s Army sa ilang gi-atubang nga mga kaso.ng kriminal.
Nasayrang kamulo pa usab sa ilang imbestigasyon ang Police Regional Office-13 aron madetermina ang kamatu-uran sa maong taho.
Apan sa kabahinan sa nagpa-ilang si Ka Sandara, tigpamaba sa NPA-Surigao Del Sur, gihulagway niining usa ka desperadong lakang sa kapulisan ang gihimong red tagging.
Sigon ni Ka Sandara sa pakighinabi ning sibyahan, normal lang ang gibuhat sa abogado nga legal nga pagdepensa sa bisan kinsang nanginahanglan sa ilang serbisyo.
