BUTUAN CITY – Mibisita dinhi sa Butuan Diocese karong adlawa dinhi sa dakbayan sa Butuan ang pilgrim relics ni St. Therese of the Child Jesus nga mulungtad hangtud ugmang adlawa.
Sa eksklusibong pakighinabi sa Bombo Radyo Butuan, gipadayag ni Fr. Glenn Daryl Tatoy, ang tigpamaba sa Butuan Diocese, mi-abot kini alas-7:30 ning buntaga sa Immaculate Heart of Mary Parish sa lungsod sa Kitcharao, Agusan del Norte, ug sa alas 9:30 ning buntaga, anaa kini sa St James the Great Parish sa lungsod sa Santiago sa susamang lalawigan ug unyang alas-kwatro sa hapon, didto na usab kini ibutang sa Birhen de Candelaria Parish sa Cabadbaran City.
Ugma salas-8:30 sa buntag, Martes, ibutang na usab kini sa St. Therese Holy Child Chapel sa lungsod sa Remedios T. Romualdez kon RTR, Agusan del Norte ug ibutang na usab kini ugma sa alas-dose sa udto sa St. Joseph Cathedral ning siyudad sa Butuan ug pagka-alas tres sa hapon, didto na kini ibutang sa Sto. Niño Shrine sa Brgy. Libertad ning siyudad sa Butuan.
Tema sa iyang pagbisita sa nagkada-iyang kasimbahanan dinhi sa nasud ang ‘Lakbay Tayo St. Therese: Kaalagad, Kaibigan, Kamisyon’.
Sigon ni Fr. Tatoy, gikan sa pamilya sa mga santos si St. Therese tungod kay ang iyang mga ginikanan, na-canonize na usab isip mga santo.
