BUTUAN CITY – Wala’y gila-umang damyos nga matala ang Philippine Volcanology and Seismology kon PHIVOLCS human mitay-og ang 5 magnitude nga linog kaganinang alas-12:47 sa hapon sa kasadpang bahin sa Tandag City, lalawigan sa Surigao del Sur.
Base sa ilang latest earthquake bulletin, duna kini giladmon nga 51-kilometros ug tectonic ang gigikanan.
Tungod niini, nabati ang intensity III sa maong siyudad apil na sa Butuan City sakop sa Agusan del Norte ingon man sa Agusan del Sur.
Intensity II usab sa Cagwait sa Surigao del Sur ug intensity I sa Surigao City sakop sa Surigao del Norte. Samtang natala usab ang instrumental intensity 1 sa Cabadbaran City sa Agusan del Norte, Surigao City sa Surigao del Norte ug Tandag City sa Surigao del Sur.
Sa pagkutlo niini nga balita, nakatala na og tulo ka mga aftershocks ang maong pagtay-og.
