BUTUAN CITY – Disyamado ang mga Hapon sa pagkapildi sa ilang national football team sa dula kagabii batuk sa Croatia sa score nga 1-3 alang sa round of 16 sa nagpadayong 2022 FIFA World Cup sa Qatar.
Sa eksklusibong pakighinabi sa Bombo Radyo Butuan, gipadayag ni Bombo international correspondent Hazel Kanashiro direkta gikan sa Japan, nga bali kaayo ang gibati sa ma Hapon sa pagtapos sa dula kung ikumpara sa una nilang dula dihang midaug sila batuk sa Spain sa score nga 2-1.
Sa asuy ni Kanashiro, supportive kaayo ang mga Hapon sa ilang national team, gani nagtukaw ang kadaghanan kanila kondiin ang uban, diha nag-monitor sa dula sa mga bars.
Bisan ang ilang kagamhanan, suportado usab ang ilang national team kansa kanunay pa nilang ibandera sa mga balita
.
